Leviticus 13:1 ουοϩ α `πϭοις ςαϫι νεμ μωυςης νεμ ααρων εϥϫω `μμος
Leviticus 13:2 ϫε εϣωπ αρεϣαν ουουλη `ντε ουμηινι ουϩλι εϥουονϩ `ντεϥϣωπι ϧεν `πϣαρ `ντε παουαν `νουρωμι ουοϩ `ντεϥϣωπι ϧεν `πϣαρ `ντε πεϥαουαν `νϫε ουϭοϩ `ντε ουςεϩτ ουοϩ εϥει ϩα ααρων πιουηβ ιε ϩα ουαι `ντε νεϥϣηρι ετοι `νουηβ
Leviticus 13:3 ουοϩ εϥεναυ `νϫε πιουηβ επιϭοϩ ϧεν `πϣαρ `ντε πεϥαουαν ουοϩ `ντε πιϥωι ετϧεν πιϭοϩ `ντεϥουωτεβ εουουβαϣ ουοϩ `πϩο `ντε πιϭοϩ εϥθεβιηουτ εβολ ϩιτεν `πϣαρ `ντε πεϥαουαν ουϭοϩ `ντε ουςεϩτ πε ουοϩ εϥεναυ `νϫε πιουηβ εϥεϭαϧμεϥ
Leviticus 13:4 εϣωπ δε `ντεϥουωνϩ εϥουωβϣ ϧεν `πϣαρ `ντε πεϥαουαν ουοϩ πεϥϩο νϥθεβιηουτ αν εβολ ϩιτεν πιϣαρ ουοϩ `ντε πεϥϥωι ϣιβϯ αν επετουωβϣ αλλα ϥοι `νϩλολ ουοϩ ερε πιουηβ ουωϯ εβολ `μπιϭοϩ ν7 νεϩοου
Leviticus 13:5 ουοϩ εϥεναυ `νϫε πιουηβ επιϭοϩ ϧεν πιεϩοου `μμαϩ7 ουοϩ ϩηππε πιϭοϩ εϥοϩι ερατϥ `μπεϥουωτεβ αν `νϫε πιϭοϩ ϧεν πιϣαρ εϥεφορϫϥ εβολ `νϫε πιουηβ ν7 νεϩοου `μπιμαϩ ςοπ 2.
Leviticus 13:6 ουοϩ εϥεναυ εροϥ `νϫε πιουηβ ϧεν πιεϩοου `μμαϩ 7 `μπιμαϩ ςοπ 2. ουοϩ ϩηππε εϥοι `νϩλολ `νϫε πιϭοϩ `μπεϥουωτεβ `νϫε πιϭοϩ ϧεν πιςεϩτ `ντε πιϣαρ ουοϩ εϥετουβοϥ `νϫε πιουηβ ουμηινι γαρ πε ουοϩ εϥερωϧι `ννεϥϩβος ουοϩ εϥεϣωπι ε `ϥτουβηουτ
Leviticus 13:7 εϣωπ δε αϥϣανουωτεβ `νϫε πιμηινι ϧεν πιϣαρ μενενςα θρεϥναυ εροϥ `νϫε πιουηβ επϫιντουβοϥ ουοϩ εϥεουονϩϥ επιουηβ μφμαϩ ςοπ 2.
Leviticus 13:8 ουοϩ εϥεναυ εροϥ `νϫε πιουηβ ουοϩ ϩηππε αϥουωνϩ `νϫε πιμηινι ϧεν πιϣαρ ουοϩ εϥεϭαϧμεϥ `νϫε πιουηβ ουςεϩτ πε
Leviticus 13:9 ουοϩ εϣωπ εαϥϣωπι `νϫε ουϭοϩ `ντε ουςεϩτ ϧεν ουρωμι εϥει ϩα πιουηβ
Leviticus 13:10 ουοϩ εϥεναυ `νϫε πιουηβ ουοϩ ϩηππε ις ουουλη εςουοβϣ ϧεν πιϣαρ ουοϩ θαι `ντεςουωτεβ εουϥωι `ντεϥουβαϣ ουοϩ εβολ ϩιτεν πεθουοϫ `ντε ϯςαρξ ετονϧ εϥουονϩ ϧεν ϯουλη
Leviticus 13:11 ουςεϩτ πε εϥναεραπας ϧεν `πϣαρ `ντε πεϥουαν ουοϩ εϥεϭαϧμεϥ `νϫε πιουηβ ουοϩ `ντεϥφορϫϥ εβολ ϥϭαϧεμ
Leviticus 13:12 εϣωπ δε ϧεν ουφιρι `ντεϥφιρι εβολ `νϫε ουςεϩτ ϧεν πιϣαρ ουοϩ `ντε πιςεϩτ ϩωβς `μπιϣαρ τηρϥ `ντε πιϭοϩ ιςϫεν ϫωϥ ϣα ρατϥ κατα πιϫινναυ τηρϥ `ντε πιουηβ
Leviticus 13:13 ουοϩ εϥεναυ `νϫε πιουηβ ουοϩ ις πιςεϩτ εταϥϩωβς εϫεν πιϣαρ τηρϥ `ντε πεϥαουαν ουοϩ εϥετουβοϥ `νϫε πιουηβ ϫε αϥουωτεβ τηρϥ επεθουοβϣ `ϥτουβηουτ
Leviticus 13:14 ουοϩ ϧεν πιεϩοου ετε ϥναουωνϩ νϧητϥ `νουαουαν εϥονϧ ευεϭαϧμεϥ
Leviticus 13:15 ουοϩ εϥεναυ `νϫε πιουηβ επιουαν εθουοϫ ουοϩ εϥεϭαϧμεϥ `νϫε πιαουαν εθουοϫ ϥϭαϧεμ ουςεϩτ πε
Leviticus 13:16 ουοϩ εϣωπ `ντεϥταςθο `νϫε πιαουαν εθουοϫ ουοϩ `ντεϥουωτεβ επεθουοβϣ ουοϩ εϥει ϩα πιουηβ
Leviticus 13:17 ουοϩ εϥεναυ `νϫε πιουηβ ουοϩ ϩηππε αϥουωτεβ `νϫε πιϭοϩ επεθουοβϣ ουοϩ ερε πιουηβ εϥετουβο `μπιϭοϩ `ϥτουβηουτ
Leviticus 13:18 ουοϩ ουςαρξ εϣωπ αϥϣανϣωπι `νϫε ουερϧοτ ϧεν πεϥϣαρ ουοϩ `ντεϥκαϩκ
Leviticus 13:19 ουοϩ `ντε ουουλη εςουοβϣ ϣωπι ϧεν `φμα `ντε πιερϧοτ ιε `ντεςουωνϩ εςϯουβαϣ ιε εςϯθροϣρεϣ ουοϩ εϥεουωνϩ επιουηβ
Leviticus 13:20 ϩηππε εϥεναυ `νϫε πιουηβ ουοϩ ϩηππε ις πεϥϩο ϥθεβιηουτ εβολ ϩιτεν πιϣαρ ουοϩ πεϥϥωι αϥουωτεβ εουουβαϣ ουοϩ εϥεϭαϧμεϥ `νϫε πιουηβ ουϭοϩ `ντε ουςεϩτ πε εαϥφιρι εβολ εϫεν πιερϧοτ
Leviticus 13:21 εϣωπ δε αϥϣανναυ `νϫε πιουηβ ουοϩ ις ϩηππε `μμον ϥωι `νουοβϣ νϧητϥ ουοϩ ϥθεβιηουτ αν εβολ ϩιτεν `πϣαρ `ντε πεϥαουαν ουοϩ φαι ουϩλολ πε ουοϩ εϥεφορϫϥ εβολ `νϫε πιουηβ ν7 νεϩοου
Leviticus 13:22 εϣωπ δε ϧεν ουϫωρ `ντεϥϫωρ εβολ ϧεν πιϣαρ εεϭαϧμεϥ `νϫε πιουηβ ουϭοϩ `ντε ουςεϩτ πε εαϥφιρι εβολ ϧεν πιερϧοτ
Leviticus 13:23 εϣωπ δε `ντεϥοϩι `μπεϥμα `νϫε πιουαν εθουουβϣ εταϥουωνϩ ουοϩ `ντεϥϣτεμϫωρ εβολ ουουλη `ντε πιερϧοτ πε ουοϩ εϥετουβοϥ `νϫε πιουηβ
Leviticus 13:24 ουοϩ ουςαρξ εϣωπ αρεϣαν ουκωκ ϣωπι ϧεν πεϥϣαρ ουοϩ εταϥϣωπι ϧεν πεϥϣαρ εταϥλωϫι εβολ `μπιϫωϥ `νϫε ουμηινι εϥτανϣε ουονϩ εϥϯμουε ιε εϥτανϣε ουοβϣ εϥθρεϣρωϣ
Leviticus 13:25 ουοϩ εϥεναυ εροϥ `νϫε πιουηβ ουοϩ ϩηππε αϥουωτεβ `νϫε ουϥωι `νουωβϣ εϥϯμουε ουοϩ πεϥϩο εϥθεβιηουτ εβολ ουτε πιϣαρ ουςεϩτ πε εαϥφιρι εβολ ϧεν πικωκ ουοϩ εϥεϭαϧμεϥ `νϫε πιουηβ ουϭοϩ `ντε ουςεϩτ πε
Leviticus 13:26 εϣωπ δε αϥϣανναυ `νϫε πιουηβ ουοϩ ϩηππε `μμον ϥωι `νουοβϣ ϧεν πεϥϯμουε ουοϩ ϥθεβιηουτ αν εβολ ϧεν πιϣαρ φαι δε ουϩλολ πε ουοϩ εϥεφορϫϥ εβολ `νϫε πιουηβ ν7 νεϩοου
Leviticus 13:27 ουοϩ εϥεναυ εροϥ `νϫε πιουηβ ϧεν πιεϩοου `μμαϩ 7 εϣωπ δε ϧεν ουϫωρ `ντεϥϫωρ εβολ ϧεν πιϣαρ ουοϩ εϥεϭαϧμεϥ `νϫε πιουηβ ουϭοϩ `ντε ουςεϩτ πε εαϥφιρι εβολ ϧεν πιϣαρ
Leviticus 13:28 εϣωπ δε αϥϣανοϩι ϧεν πεϥμα `νϫε φη ετϯμουε ουοϩ `ντεϥϣτεμϫωρ εβολ ϧεν πιϣαρ φαι δε ουϩλολ πε ουουλη `ντε ουκωκ πε ουοϩ εϥετουβοϥ `νϫε πιουηβ πιϣωλϩ γαρ πε `ντε πικωκ
Leviticus 13:29 ουοϩ ουρωμι ιε ουςϩιμι φη ετεϥναϣωπι νϧητου `νϫε ουϭοϩ `ντε ουςεϩτ ϧεν ϯαφε ιε ϯμορτ
Leviticus 13:30 ουοϩ εϥεναυ `νϫε πιουηβ επιϭοϩ ουοϩ ϩηππε ις πεϥϩο ϥοι νϫανε επιϣαρ εουον ουϥωι δε νϧητϥ εϥοι ναουαν μφρηϣ ουοϩ εϥεϭαϧμεϥ `νϫε πιουηβ ουϧομϧεμ πε ουςεϩτ `ντε ϯαφε ιε ουςεϩτ πε `ντε ϯμορτ
Leviticus 13:31 ουοϩ εϣωπ αϥϣανναυ `νϫε πιουηβ επιϭοϩ `ντε πιϧομϧεμ ουοϩ ϩηππε ις πεϥϩο ουϫανε αν πε εϩοτε πιϣαρ ουοϩ `μμον ϥωι ναουαν μφηρϣ νϧητϥ ουοϩ ερε πιουηβ εϥεφορϫ εβολ `μπιϭοϩ `ντε πιϧομϧεμ ν7 νεϩοου
Leviticus 13:32 ουοϩ εϥεναυ `νϫε πιουηβ επιϭοϩ ϧεν πιεϩοου `μμαϩ 7 ουοϩ ϩηππε `μπεϥϫωρ εβολ `νϫε πιϧομϧεμ ουοϩ `μμον ϥωι ναουαν μφρηϣ νϧητϥ ουοϩ `πϩο `ντε πιϧομϧεμ `νουϫανε αν πε εβολ ϩιτεν πιϣαρ
Leviticus 13:33 ουοϩ ευεϧεκϩ πιϣαρ πιϧομϧεμ δε ννουϧοκϥ ουοϩ ερε πιουηβ εϥεφωρϫ εβολ `μπιϧομϧεμ ν7 νεϩοου `μπιμαϩ ςοπ 2.
Leviticus 13:34 ουοϩ ερε πιουηβ εϥεναυ επιϧομϧεμ ϧεν πιεϩοου `μμαϩ 7 ουοϩ ϩηππε `μπεϥϫωρ εβολ `νϫε πιϧομϧεμ ϧεν πιϣαρ μενενςα θρουϧοκϩϥ ουοϩ `πϩο `ντε πιϧομϧεμ ϥοι νϫανε αν ϧεν πιϣαρ ουοϩ εϥετουβοϥ `νϫε πιουηβ ουοϩ εϥερωϧι `ννεϥϩβως εϥεϣωπι ε `ϥτουβηουτ
Leviticus 13:35 εϣωπ δε ϧεν ουϫωρ εβολ `ντεϥϫωρ εβολ `νϫε πιϧομϧεμ ϧεν πιϣαρ μενενςα θρε `ϥτουβοϥ
Leviticus 13:36 ουοϩ εϥεναυ εροϥ `νϫε πιουηβ ουοϩ ϩηππε αϥφωνϩ εβολ `νϫε πιϧομϧεμ ϧεν πιϣαρ `ννεϥϫεμπϣινι `νϫε πιουηβ εθβε πιϥωι ναουαν μφρηϣ ϥϭαϧεμ `νϫε φαι
Leviticus 13:37 εϣωπ δε αϥϣανοϩι `μπεϥμθο `νϫε πιερϧοτ `μπεϥμα ουοϩ `ντε ουϥωι `νχαμε ρωτ νϧητϥ αϥλοϫϥ `νϫε πιϧομϧεμ `ϥτουβηουτ ουοϩ εϥετουβοϥ `νϫε πιουηβ
Leviticus 13:38 ουοϩ ουρωμι ιε ουςϩιμι φη ετουναϣωπι ϧεν πεϥϣαρ `ντε τεϥςαρξ `νϫε ϩαναλ ευερουωινι ευϯουβαϣ
Leviticus 13:39 ουοϩ εϥεναυ `νϫε πιουηβ ουοϩ ϩηππε ςε ϧεν πιϣαρ `ντε τεϥςαρξ `νϫε ϩαναλ ευερουωινι ευϯουβαϣ ουαλφος πε εϥφορι εβολ ϧεν πιϣαρ `ντε τεϥςαρξ `ϥτουβηουτ
Leviticus 13:40 εϣωπ δε αρεϣαν ταφε ςωι ουκερϩε πε `ϥτουβηουτ
Leviticus 13:41 εϣωπ δε `ντε να πεϥϩο ςωι `ντε τεϥαφε ουβαλμβεϩ πε `ϥτουβηουτ
Leviticus 13:42 εϣωπ δε ϧεν τεϥμετκερϩε ιε ϧεν τεϥμεταλουβεϩ `ντεϥϣωπι `νϫε ουϭοϩ εϥουοβϣ ιε εϥθρεϣρωϣ ουςεϩτ πε εϥφορι εβολ ϧεν τεϥμετκερϩε νεμ τεϥμεταλουβεϩ
Leviticus 13:43 ουοϩ εϥεναυ εροϥ `νϫε πιουηβ ουοϩ ϩηππε ις `πϩο `ντε πιϭοϩ ϥουοβϣ ιε ουαουαν `νχρωμ ϧεν τεϥμετκερϩε ιε ϧεν τεϥμεταλουβεϩ ` μ`φρηϯ `νουςμοτ `ντε ουςεϩτ ϧεν `πϣαρ `ντε τεϥςαρξ
Leviticus 13:44 ουρωμι νκακςεϩτ πε ϧεν ουϭωϧεμ εϥεϭαϧμεϥ `νϫε πιουηβ ϫε πεϥϭοϩ ϧεν τεϥαφε
Leviticus 13:45 ουοϩ ουκακςεϩτ φη ετε πιϭοϩ ϩιϫωϥ νεϥϩβως ευεϣωπι ευφερφωρ ουοϩ `ντεϥαφε εςϩοβς αν ουοϩ εϥεϩωβς `μπκωϯ `νρωϥ ουοϩ ευεμουϯ εροϥ ϫε ϥϭαϧεμ
Leviticus 13:46 `ννιεϩοου τηρου ετε πιϭοϩ ϩιωτϥ εουακθαρτος εϥεϩεμςι ςαπςα ερε πεϥμανϣωπι ςαβολ `νϯπαρεμβολη
Leviticus 13:47 ουοϩ ουϩβος εϣωπ αϥϣανϣωπι νϧητϥ `νϫε ουϭοϩ `ντε ουςεϩτ ϧεν ουϩβος νερϣων ιε ϧεν ουϩβος νιαυ
Leviticus 13:48 ιε ϧεν ουουατϩι ιε ϧεν ουϧε ιε ϧεν ουιαυ ιε ϧεν ουςορτ ιε ϧεν ουϣαρ ιε ϧεν ϣαρ νιβεν ετουναερϩωβ εροϥ
Leviticus 13:49 ουοϩ `ντεϥϣωπι `νϫε πιϭοϩ εϥουετουωτ ιε εϥθρεϣρωϣ ϧεν πιϣαρ ιε ϧεν πιϩβος ιε ϧεν πιουαθι ιε ϧεν πιϧε ιε ϧεν ςκευος νιβεν νϣαρ ουϭοϩ `ντε ουςεϩτ πε ουοϩ εϥεταμε πιουηβ εροϥ
Leviticus 13:50 ουοϩ ερε πιουηβ εϥεναυ επιϭοϩ ουοϩ ερε πιουηβ φωρϫ εβολ επιϭοϩ `ντε πιςεϩτ ν7 νεϩοου
Leviticus 13:51 ουοϩ εϥεναυ `νϫε πιουηβ επιϭοϩ `ντε πιςεϩτ `μπιεϩοου `μμαϩ 7 εϣωπ δε αϥϣανϫωρ εβολ `νϫε πιϭοϩ ϧεν πιϩβος ιε ϧεν πιουατϩι ιε ϧεν πιϧε ιε ϧεν πιϣαρ κατα νιϣαρ τηρου ετουναθαμιωου ϧεν ϯιοπη ουςεϩτ εϥναοϩι πε `νϫε πιϭοϩ ϥϭαϧεμ
Leviticus 13:52 εϥερωκϩ `μπιϩβος ιε πιουαθι ιε πιϧε ιτε ϧεν νιςορτ ιε ϧεν νιιαυ ιτε ϧεν νιςκευος νιβεν νϣαρ ετε πιϭοϩ νϧητου ϫε ουηι ουςεϩτ εϥναοϩι πε ευεροκϩου ϧεν ουχρωμ
Leviticus 13:53 εϣωπ δε αϥϣανναυ `νϫε πιουηβ ουοϩ `ντεϣτεμ πιϭοϩ ϫωρ εβολ ϧεν πιϩβως ιε ϧεν πιουαθι ιε ϧεν πιϧε ιε ϧεν ςκευος νιβεν νϣαρ
Leviticus 13:54 ουοϩ εϥεουαϩςαϩνι `νϫε πιουηβ ουοϩ εϥερωϧι μφη νιβεν ετε πιϭοϩ ϩιωτϥ ουοϩ ερε πιουηβ εϥεουωϯ εβολ `μπιϭοϩ ν7 νεϩοου μφμα ςοπ 2.
Leviticus 13:55 ουοϩ εϥεναυ `νϫε πιουηβ μενενςα θρεϥρωϧι `νϫε πιϭοϩ `ντεϥϣτεμϣιβϯ `μπεϥϩο ουοϩ πιϭοϩ ϥϫηρ εβολ αν ϥϭαϧεμ ϧεν ουχρωμ ευεροκϩϥ ιε αϥταϫρο ϧεν πιϩβος ιε ϧεν πιουαθι ιε ϧεν πιϧε ιε ϧεν πιϣαρ
Leviticus 13:56 ουοϩ αϥϣανναυ `νϫε πιουηβ ουοϩ ις πιϭοϩ ϥοι `νϩλολ μενενςα θρουραϧϥ εϥεφαϧϥ εβολ ϩα πιϩβος ιε εβολ ϩα πιουαθι ιε εβολ ϩα πιϧε ιε εβολ ϩα πιϣαρ
Leviticus 13:57 εϣωπ δε ον `ντεϥουωνϩ ϧεν πιϩβος ιε ϧεν πιουαθι ιε ϧεν πιϧε ιε ϧεν πιϣαρ ιε ϧεν ςκευος νιβεν νϣαρ ουςεϩτ πε εϥναφιρι εβολ ϧεν ουχρωμ ευερωκϩ μφη ετε πιϭοϩ ϩιωτϥ
Leviticus 13:58 ουοϩ πιϩβος ιε πιουαθι ιε πιϧε ιε ςκευος νιβεν νϣαρ φη ετουναραϧϥ μφμαϩ ςοπ 2. ουοϩ εϥεϣωπι ε `ϥτουβηουτ
Leviticus 13:59 φαι πε φνομος `ντε ουϭοϩ `ντε ουςεϩτ ιε `ντε ουϩβος νςορτ ιε ουιαυ ιε ουουαθι ιε ουϧε ιε ςκευος νιβεν νϣαρ επϫιντουβοϥ ιε εϭαϧμεϥ